يااااه الواحد بقاله زمان مكتبش هنا
المدونة دي وحشتني
اولا بحب اشكر كل اللي رد في الموضوع وكل اللي سألني ويارب يكون الموضوع السابق مفهوم
--------------------------------------------
المدونة دي وحشتني
اولا بحب اشكر كل اللي رد في الموضوع وكل اللي سألني ويارب يكون الموضوع السابق مفهوم
--------------------------------------------
تكملة للموضوع اللي فات بتاع الكاوتش بتاع العربية
انا كنت قولت اني حبدأ اتكلم عن الحاجات اللي بنستخدم فيها الموضوع ده
بسم الله الرحمن الرحيم
عارفين لما جه الواد المخترع العجيب اللي اسمه ايديسون وعمل اللمبة
انا كنت قولت اني حبدأ اتكلم عن الحاجات اللي بنستخدم فيها الموضوع ده
بسم الله الرحمن الرحيم
عارفين لما جه الواد المخترع العجيب اللي اسمه ايديسون وعمل اللمبة
ايه ده !!!...انا رجعت لزمان اوي ايام لما شمهورش عمل اللمبة
لا مش دي دي لمبة الجني
ايون ساعت لما جاب شوية احماض كده وحط عليها حتيتين معدن وعمل بينهم سلك لقا اللمبة نورت
اهو الواد ايديسون ده بقا متخيلش ان ممكن اللمبة بتاعته دي تكون بداية للمبات كتير بعد كده
اه ده حتى توشيبا عمل لمبة
اه ده حتى توشيبا عمل لمبة
اه والله تصدقوا دي
ما شاء الله
المهم
ايديسون ده لما عمل اللمبة دي بقا كان بيستخدم تيار ثابت
يعني من الاخر بيستخدم كهرباء ماشية على طول لحد لما البطارية تفضي
زي كده الحجارة الصغنونة بتاعت الريموت بتفضل تطلع كهرباء صغنطوطه كده
لحد لما تفضي
لكن جينا بقا بعد لما فات الوقت الكتير
ولقينا ان التيار المستمر ده
صغير اوي يعني مش بيكهرب واحنا عايزين كهرباء.. بتكهرب !!!
الحكاية ان بعد لما تقدم العلم كده خير اللهم اجعله خير
بقا فيه حاجه اسمها التيار المتردد
يعني ايه بقا التيار المتردد ده
من الاخر يعني عارف لما تمسك مفتاح النور وتفضل تفتحة وتقفله
اللمبة بتفضل تنور وتطفي
اهو التيار المتردد ده ليه نص بيفتح ونص بيقفل
ما شاء الله
المهم
ايديسون ده لما عمل اللمبة دي بقا كان بيستخدم تيار ثابت
يعني من الاخر بيستخدم كهرباء ماشية على طول لحد لما البطارية تفضي
زي كده الحجارة الصغنونة بتاعت الريموت بتفضل تطلع كهرباء صغنطوطه كده
لحد لما تفضي
لكن جينا بقا بعد لما فات الوقت الكتير
ولقينا ان التيار المستمر ده
صغير اوي يعني مش بيكهرب واحنا عايزين كهرباء.. بتكهرب !!!
الحكاية ان بعد لما تقدم العلم كده خير اللهم اجعله خير
بقا فيه حاجه اسمها التيار المتردد
يعني ايه بقا التيار المتردد ده
من الاخر يعني عارف لما تمسك مفتاح النور وتفضل تفتحة وتقفله
اللمبة بتفضل تنور وتطفي
اهو التيار المتردد ده ليه نص بيفتح ونص بيقفل
يعني طول مهو ماشي عمال بينور ويطفي لأي حاجه بيعدي فيها
والتيار المتردد ده هو اللي في بيتك وهو اللي لو لعبت فيه تتكهرب
ياعم انت خنقتنا ايه اللي عمال تقوله ده... وايه علاقته بالموضوع اللي فات
انت شكلك لسعت والامتحانات اثرت على مخك
يا جماعة صبركم بس خليكم معايا للآخر
احم
التيار المتردد ده بقا يا جماعة زي مقولتلكم شغال عمال بينور ويطفي على طول
يعني ممكن انت لما بتنور وتطفي اللمبة بتاخد ثانيه مثلا
افترض ان التيار ده بينور ويطفي مره في الثانيه
حتلاقي اللمبة بتاعت بيتك لوحدها عمالة تنور وتطفي علشان تيار بيتك ده تيار متردد
يا ساااتر استر يااااااااارب
ياعم انت خنقتنا ايه اللي عمال تقوله ده... وايه علاقته بالموضوع اللي فات
انت شكلك لسعت والامتحانات اثرت على مخك
يا جماعة صبركم بس خليكم معايا للآخر
احم
التيار المتردد ده بقا يا جماعة زي مقولتلكم شغال عمال بينور ويطفي على طول
يعني ممكن انت لما بتنور وتطفي اللمبة بتاخد ثانيه مثلا
افترض ان التيار ده بينور ويطفي مره في الثانيه
حتلاقي اللمبة بتاعت بيتك لوحدها عمالة تنور وتطفي علشان تيار بيتك ده تيار متردد
يا ساااتر استر يااااااااارب
علشان بقا نشيل موضوع العفاريت ده واللمبة اللي بتنور وتطفي دي
خلينا التيار المتردد ده ينور اللمبة ويطفيها اكثر من 24 مره في الثانية
وزي مقولنا في الموضوع اللي فات ان 24 مره في الثانية دي بتخلي العين تشوف الحاجه بتتحرك
طب لو عرفت بقا ان التيار المتردد بتاع بيتك ده بينور ويطفي 60 مره في الثانية!!!!
يعني مستحيل تاخد بالك ان اللمبة المنورة دي اللي انت باصص عليها دي ...
ايون بالظبط كده ...اه بتنور وتطفي
يا سبحان الله
اه شوفت بقا يا عم بتنور وتطفي لكن عدد مرات اسرع من انك تلاحظة
مش لما اللمبة بتبوظ بتلاقيها بتترعش كده اهو علشان العدد ده قل فبقيت تلاحظ انها
بتنور وتطفي
وبكده لما عرفنا ان عجلة العربية بتلف بالعكس فإكتشفنا ان العين هي السبب فقدرنا
بعدها نعمل تيار متردد بسرعة متلاحظهاش العين
حتقولولي ليه بقا التيار المتردد ده ايه لزمته يعني
حقولكم ده مش موضوعنا هنا علشان التيار المتردد ده ليه مميزات كتييييييييييير اوي
اوي اوي ابسطها اننا ممكن ننقله من اسوان من عند السد العالي لأي حته في مصر
عن طريق الكابلات الكبيره اللي متعلقة على الابراج الضخمة اللي بتشوفوها في
طريق السفر دي
انما تيار ايديسون بتاع اللمبة ده مينفعش يتنقل
دي الحدوتة الاولى
وشوية ان شاء الله والافيكم بالحدوده التانيه وهي بتاعت السينما وازاي بنستغل
موضوع ال24 صورة في الثانية ده علشان نضحك على الناس ونخليهم يفتكروا
الفيلم بيتحرك
يارب يكون الموضوع المره دي اخف من الموضوع الاول ويكون ساعدكم
تتصوروا شوية اد ايه ممكن تحصل تطبيقات على موضوع ال24 مره في الثانيه ده
---------------------------------
على الهامش
متبخلوش عليا بأي سؤال يا جماعة علشان كل سؤال بتسألوهولي بيفيدني جدا جدا
متنظر تعليقكم ومنتظر نقدكم للإسلوب ولو فيه اي استفسار
25 comments:
هممم معلش يا محمد , طلعت منك آوت المرة دي , اتأكد من معلوماتك يا ريت :) لأن في حاجات كتير غلط اوي انت قايلها ..
لو تحب أنا ممكن احطلك شرح لكل الغلطات عندك او ابعتهولك وتنشره في الموضوع لو تحب :)
الظاهر المذاكرة أثرت فعلاً :p
محمد بيه حبيبي
زدني يا باشا
وطبعاً ده مجال دراستك اكثر مني
وياريت لو تزود اللي عندك في الرد وانا اعمله تحديث في الموضوع
وادينا بنتناقش
وانا عارف ان فيه غلطات علمية لكني كبرت منها علشان انا غرضي التطبيق على الفكره نفسها
فهمت قصدي
ومنتظر توضيحاتك يا باشا مفيش مانع ابدأ ان الواحد يتعلم وخصوصاً من اصدقاؤه
في انتظارك
اولا ازيك يانوفا
عامل ايه في الامتحانات ربنا معاك وشد حيلك
ثانيا بقا انا عجبني اوي اسم البوست دا (اول حدوته) حلو اوي
ثالثا بقا وممكن تبقي ثالثا دي غبيه شويه بس استحملني بقا
ولو طلعت غبيه فعلا ولا كأني قلت حاجه
انت بتقول خلينا التيار المتردد ينور ويطفي 24 مره في الثانيه
وبعدين التيار اللي في البيت بينور ويطفي 60 مره في الثانيه
يعني انا ممكن اتحكم في عدد فتحاته وقفلاته
وهل معني عدد فتحاته وقفلاته دي اللي هوا شده التيار يعني
يعني لما تكون شدته قليله ينور ويطفي24مره ولما تكون شدته عاليه ينور ويطفي60مره
بس كدا
والموضوع جميل والاجمل منه طريقه عرض الموضوع مخليه حاجه كدا لذيذه مش معقده زي الفيزيا اللي كنا بناخدها في ثانوي
اولا منورة يا كورتي البعبع
ثانياً ادخل في الرد على طول
ياستي التيار شدته ملهاش علاقة بعدد مرات تردده
يعني
انا لو عندي حبل طويل
وخليتك تمسكي طرفة
وانا مسكت الطرف التاني
وفضلت اهز الحبل فوق وتحت
مش حيرسم زي الشكل اللي انا حطة بتاع الجزء اللي بينور والجزء اللي بيطفي
صح ؟
طب لو سرعت ايدي وبقيت احرك الحبل اسرع اسرع
مش حتلاقي عدد الاهتزازات في الحبل كترت؟
ده اللي بقول عليه
اننا نزود عدد مرات الفتح والقفل اننا نزود التردد
انما الشده دي بقا بتيجي من حاجه تانيه
انا متكلمتش فيها في البوست علشان مكانش غرضي تكلم عن شده التيار
بس عامة علشان ازود شدة التيار بتحكم في ده عن طريق فرق الجهد
وده موضوع يطول شرحه وانا مش متمكن منه اوي الصراحة يعني فمش عايز اقول حاجه وتطلع غلط
بس انا هنا بركز اني اتكلم عن موضوع عدد المرات في الثانيه اللي هو التردد
فهمتي قصدي ؟
والله انا بصفتي مهندسة برضه"ميكاترونيك"عجبتني فكرة مدونتك التانية دي جدا..ده انت شكلك عبقري
اسلوبك مبسط جدا بس فيه حاجات كدة ملخبطة يمكن عشان فيه حاجات بتبقى فاهمها بس مش عارف تترجمها..على العموم فكرة جديدة
نقطة ميه
منورة يا باشمهندسة
وتخصصك ده كان نفسي فيه بس للأسف
يخربيت التنسيق اللي اجبرني افضل في هندسه بورسعيد برغم ان مجموعى كان وقتها يطلعني الفضاء ماعدا كليه تعدين
ياللا نعمل ايه حاجات وراحت لحال سبيلها بقا
المهم الواحد يشد في قسمه
نيجي بقا لمضمون الرد
بالنسبة للإسلوب كنت بتكلم مع واحد صاحبي امبارح
بقوله تردد التيار 50 هرتز علشان كده اللمبة بتنور وتطفي اسرع من انك تلاحظ
بس كده
والواد فهمني علشان هو زميلي في القسم
لكن لما جربت اعمل كده مع واحد تاني مش هندسة
لقيت الموضوع محتاج اساسيات كتير اوي
علشان كده بحاول على اد مقدر اني ازود حاجات تخلي الموضوع ممتع شوية علشان الناس متزهقش
وفي نفس الوقت اوصل المعلومة في الاخر
بالنسبة للحاجات الملخبطة
فيه اخطاء علمية بسيطة في الحكاية اللي انا حكيتها بس متمسش المضمون اللي عايز اوصله والفكره يعني
زي حكاية الكهرباء اللي بتكهرب وتيار ايديسون اللي مبيكهربش
ناس حتقولي الكهرباء فرق الجهد وكلام من ده لو فتحت فيه هنا
يبقا من بكره مش حلاقي ولا زياره
وانتي عارفة حساسيه الناس للعلم وبيبصوله ازاي
معلش طولت عليكي
واشكرك شكراً جزيلا على مجاملتك الرقيقة
وياستي ولا عبقري ولا حاجه ده كان زمان ايام المجاميع العالية دلوقتي الواحد يادوب بيعدي من السنه
شكراً جزيلا لزيارتك وياريت لو فيه اسئلة في اي موضوع هنا متتردديش اهو تاخدي فكره عن الكترونكس من غير ميكا
:)
اه فهمت
بس قولي هوا في فرق بين التردد العالي والمنخفض من حيث مجال الاستخدام وليه
والله بالنسبة للتيار الكهربي ده معرفش
ومن قال لا اعلم فقد افتي
علشان ده مش مجال دراستي يعني فمعرفش للدرجة دي يعني
انما التردد عامة القليل او الكبير في الموجات ليه استخدامات كتير
حقولك مثلا
موجة الموبايل اللي بنتكلم عليها دي ليها تردد معين
والقمر الصناعي اللي بنستقبل منه القنوات
النايل سات يعني
ليه تردد اعلى من تردد موجة الموبايل
وهكذا
تردد اللاسلكي مثلا غير الاثنين اللي فاتوا
وبيختلفوا عن بعض عن طريق التردد ده اعلى من ده او اقل
اقولك التردد ده بالنسبة للموجات عبارة عن ايه
عارفة لما تكوني ماشية في طريق
شارع يعني
لو كان الشارع ده يساع عربية واحده
ممكن لعربيات تمشي في الشارع ده صف واحد بس
ورا بعض وفي اتجاه واحد
صح ؟
طب لو جت عربية من الاتجاه التاني
ينفع تعدي ؟؟
اكيد لأ
تقدري بقا تقولي ان الشارع ده تردد
وعملنا كوبري فوقه برضه اتجاه واحد ويساع عربية واحده
يعني ده تردد اعلى من الاول
وكوبري اعلي بنفس الطريقة
وكوبري اعلى بنفس الطريقة
كل كوبري اعلى من التاني
يعني كل تردد اعلى من التاني
لو جه بقا اي من الكباري دي واستعمل طريق غير طريقة
يعني تردد غير تردده
حيبوظ السكة والموجة تروح والعربيات تقف
فهمتي حاجه ؟؟
انا شكلي بقيت مش عارف اشرح باين
:))
على فكرة يا محمد انت موهبتك في الشرح عالية اوي , بتكلم بجد , انت وانت بتشرح التردد انا فاهمه بس مش هقدر اعبر عنه زي ما انت بتقول , اما بخصوص الغلطات في اللي انت كاتبه واجابة لبعض الأسألة اللي اتسألت هنا إن شاء الله هرد عليك بعد مذبحة الامتحانات اللي ماشية عندنا دي :S
محمد باشا
منور والله
خلص امتحانات براحتك
مفتكرش ممكن اكتب بوست تاني قبل مخلص الامتحانات
يعني خلص براحتك وحفضل مستنيك
بخصوص موضوع التردد ده يا باشا الفكره مش انا بعرف اشرح واللا بس
الفكره ان الدكاتره عندنا اسهبوا اوي في شرح الجزئية دي وفضلوا يدونا امثله لحد مالواحد بقا عنده كميه امثله
من الدكاتره
بس بيني وبينك كلمتين حلوين رفعتلي معنوياتي خصوصاً اني عندي امتحان كمان 7 ساعات ونص بالظبط
:)
منور يا باشا على طول
الموضوع المرة دى يا نوفا شويه فيه تفاصيل كتير عن الاولانى الا انك شرحته بأسلوب بسيط جدا وحلو قووى يخلى الواحد يتابع للآخر
وأسلوبك ده خلانى أقول أكيد انت بتشرح لزمايلك فى الكلية
وعجبنى جدا طريقة الحوار اللى أنت دايما بتستخدمها...ولا داخلاتك :)... مشغل خيالى ع طول
تعرف أنت تنفع مخرج:)
متشوقه للحدوتة اللى بعد كده
شكراً سي سايدر على مرورك اللي اسعدني كالعادة
والحمد لله ان الموضوع مفهوم والاسلوب عجبك
بالنسبة بقا للشرح لزمايلي دي فطلعت اوت علشان للأسف يعني الحاجه اللي بكون فاهمها بيكون معظمنا فاهمها والحاجه الصعبة بيكون فاهما 2 و 3 وهم اللي بيشرحولنا
:)
والدخلة المرادي والله طلعت كده بالقدر يعني كنت بدور على صورة مصباح فكتبت
lamp
طلعلي مصباح علاء الدين ده
وفجأه نورت فكره الدخلة في دماغي
شكراً مره اخرى على مرورك
بجد بترفعيلي معدنياتي جدا
انا مفهمتش انت عايز توصلني لايه في الاخر
لخبطتلي مخي يامحمد
اللي عايزا افهمه ليه تردد موجه الموبايل يختلف عن تردد القمر الصناعي
ليه دا ضغير ودا كبير
اشمعني يعني
بس كدا
بمنتهي البساطه انا لسه صوغنتوته
اقولك ليه
يعني احنا عملنا الراديو واديناله موجة
وعملنا التليفزيون بعد كده فكان لازم نديلة موجة اعلى في التردد علشان زي مقولتلك كل موجة عبارة عن طريق مينفعش تمشي فيه موجة تانيه
وبعدين عملنا الموبايل وده ليه موجه اعلى
وبعدين الاقمار الصناعية ودي برضه ليها موجة اعلى واعلي
بس كده بكل بساطة
واقولك حاجه بقا
الناس اللي اشتغلوا في الحاجات دي اجتمعوا سنه حاجه وخمسين
وقسموا الموجات تقسيمه ثابته علشان محدش يخش في موجة حد تاني
وماشيين على التقسيمة دي لحد دلوقتي
يعني مثلا موجة التليفزيون ليها عرض وليكن 6 ميجا
لما عملنا الاشارة الديجيتال
لقينا نفسنا عايزين عرض 36 ففضلنا نفتكس لحد لما عملنا العرض 6 علشان نعرف نشتغل عليه
وهكذا
فهمتي ؟
يعني الموبايل تردده اعلي من الراديو
عشان احنا اكتشفناه بعد الراديو
والقمر الصناعي اعلي عشان اكتشفناه بعد الموبايل مش علشان دا محتاج تردد عالي ودا محتاج تردد منخفض
دا اولا
ثانيا بقا
لو احنا عايزين ندي الموبايل تردد مختلف عن الراديو مثلا
عشان دا طريق واحد تمشي فيه عربيات في اتجاه واحد
طب منديله تردد اقل من الراديو هيبقي مختلف برضه
ليه بقا اديناله تردد اعلي
اشمعني برضه
بس كدا
مرسي اوي يانوفا بجد بستفيد منك
لا هو مش علشان اكتشفناه بعد كده اوي يعني
هوا انا بس بقربلك الفكره
بصي الموضوع ده حيشتت الناس هنا دلوقتي
حرد عليكي على الميل احسن علشان اقدر اشرحلك بالتفصيل الممل والناس متملش من تفصيلات علميه ممكن مقدرش اخليها بشكل بسيط
اتفقنا ؟
وبرضه لو فيه حد عايز يسأل ياريت
el post da mofeed geddan
bas comment so3'ayyar plz..
ana 7asset en 2oslobha 3elmy geddan w mesh ayy 7ad yefham men awel marra heyya simple bas needs more..
you're dealing with physics. momken teb2a teshra7lena shwayyet magnitism aw applications 3shan n2arrab men el fekra f 7ayatna maslan??
مش احنا ناويين نبقى اصحاب
مش احنا شفنا بعض صدفة وبصراحة كانت صدفة حللللوة
طب مش انا عاوزة الصدفة تتكرر
بس اسمحلى اقولك
ياااااااااااابن الجنية
ايه يابنى تلافيف مخك دى
انا بقة اللى عاوزة اعرف
انت ميييييييييييييييييين؟
Queen eraser
ايون هو ده النقد البناء
اوكيشن تمام بما انك اصلا دماغك علمي
وشايفة الموضوع شوية فيه فيزياء
طب اللي دماغة ادبي يبقا ايه النظام
استني في الحدوتة التانيه حقولك على حدوتة المروحة وحدوتة السينما ان شاء الله برضه ليهم نفس الفكره
ومش حنسي برضه حدوتة التليفون وحكاية عم محمد
:)
ومبروك مدونتك الجديده
خطوة عزيزه في عالم بلوجر
-----------------------
يارا
ايون شوفتك صدفة وكانت صدفة لذيذة الصراحة
وبعدين مهو انتي اللي عاملة بابك مردود
افتحيه طيب
:):):)
وبعدين ايه ياستي حنقر بقا واللا ايه
انا عايز اقولك معلومة مهمة
انا اعتبر من العشرة الاوائل على القسم
بس من ورا للأسف
:P
دعواتك ربنا يسترها معانا الفتره اللي جاية
وبالنسبة انا مين
سهل اوي لو بصيتي في زحل الفلكي حتلاقيني بقول انا مين عن طريق مواضيعي
اللي بحاول اني اكتبها زي مأنا حاسسها
وابقي ترجمي شوية مواضيعك لحسن بجد مش فاهم حاجه
:):):)
اوكي يا نوفا
مستنيه الميل
ومرسي كتير كتير خالص
الميل حيوصلك في اسرع وقت يا كورتي
دونت ووري
وان شاء الله يكون الموضوع مفهوم ليكي بإذن الله
وشدي حيلك معايا في الاسئلة علشان الاسئلة هي اللي بتخلي الموضوع حلو
وبتفيدني جدا يمكن اكثر مما بتفيدك لما تتجاوب
بجد اسئلتك حلوة ومتنوعة
اقلك ايه بس
والله كنت النهارده عماله اقول انا هدخل النت اشوف اللمبه بتشتغل ازاي
:D
فراغ بقا نعمل ايه
بس بجد مرسي يا محمد طلريقة عرض روعه
مش عارفه اقلك ايه غير جزاك الله خيرا
وفي انتظار المزيد
:)
nana said
انا طبعلا مهندسة بس بصراحة لسا ماخدتش الحاجات دى فمعرفش الغلاطات اللى بيقولو عليها بس بجد عجبنى جد اسلوب الكلام وانك بتسهل المعلومة على الى بيتلقاها مع انه كلام علمى بس انت بسته بحيث ان اى حد ممكن يفهمه وربنا معاك ويوفقك فى امتحاناتك وتكتبلنا خلاصة دراستك "بس بالاسلوب دهعشان نفهم" و فى انتظار المو ضوع الجاى
روزا
اي خدمة المهم يكون الموضوع مفهوم ان شاء الله
نانا
الحمد لله ان الاسلوب عجبك
وان شاء الله في اسرع وقت اقدر اكتب كل اللي اتعلمته بنفس الاسلوب
ولو فيه اي استفسار تحت امرك
شكرا على المعلومات الجميلة الله ينور عليك يا استاد
ودا موقعي للزياره
http://www.mojrim.net/vb
Post a Comment